ஆஹா! கவிதையால் கைது செய்.

ஹாய் மக்கள்ஸ்,

எல்லாரும் நல்லா சுண்டல்லாம் சாப்டுட்டு கொலுவையும் நல்லா
ரசிச்சிருப்பீங்க னு நினைக்கிறேன். அதே மாதிரி இங்க கீழ இருக்கற
கவிதையும் நல்லா ரசிச்சுட்டு போங்க. எங்கப்பா சொல்வாரு உனக்கு
வராதுன்னு தெரிஞ்சும் ஏன் அத இப்படி கொலை பண்றேன்னு,அதுக்காக
சும்மா விட்ருவமா, அதானே எனக்குதான வரலை, அதுவா தானே வந்து
என் காதுல விழுந்து 'கேளு, கேளு னு சொல்லும் போது கூடவா கேக்க
கூடாது. சரி இங்க இருக்கறது எல்லாமே ஆஹாFM ல சனி, ஞாயிறுல
ராத்திரி 9-11 வரைக்கும் சொன்னது தான். மக்களே (நாகை சிவா) தயவு
செஞ்சு இதுக்கெல்லாம் சொந்தக்காரங்க யாருன்னு மட்டும் கேக்காதீங்க,
ஏன்னா அத அவங்கலே சொல்ல்லலை..சொல்லலை. ..சொல்லலை..
இதுல்லாம் நான் ரொம்ம்ப ரசிச்சது.உங்களுக்கும் பிடிக்கும் னு நினைக்கிறேன்.





மணம் வீசும் மலர்களே,
செடியை விடுத்து தரைக்கு
வாருங்கள்,
பெருமை அடைவீர்கள்.
உண்மை தான்
இந்த வழியில் தான் என்னவள்
வந்து கொண்டிருக்கிறாள்...







உன்னை நினைக்க போவதில்லை,
ஆம், உன்னை நினைக்கவே போவதில்லை
சத்தியமாக சொல்கிறேன்.

இனியவளே,

எனது இந்த வைராக்கியம் தான்
உன்னை மீண்டும் மீண்டும்
நினைக்கத் தூண்டுகிறது.







இருந்த இடத்தில்தான்
இதயம் துடிக்கும் - இது அறிவியல்.
என்னவளே,
நீ இருக்கும் இடத்தில் தான்
எனது இதயம் துடிக்கும் - இது காதல்.







உனது விழிகளுக்கும்
வலிமை உண்டு என
உன் பார்வையை பார்த்து
தெரிந்து கொண்டேன்.

என் இதயத்திற்கும் வலிமை
உண்டு என்பதை
நீ என்னை தவிர்த்த போது
தெரிந்து கொண்டேன்.



முள்மீது ரோஜா தூங்கினாலும்
கணத்து போகும் இதயம்.
இனியவளே,
இது உனக்கு தெரிந்தும்
ஏன் என்னை வதைக்கிறாய்?

ஒன்று செய்
கவலைகளை மறந்து விடு
இல்லையேல்,
என்னிடமாவது மறைத்து விடு.