தலைவி - கொலு - விருந்து.

ஹாய் மக்கள்ஸ்,

இந்த கொலு வந்தாலும் வந்தது எல்லாரும் பிஸியாயிட்டோம். அதிலயும் இந்த அம்பி ஆபீஸுக்கு போயிட்டு வந்ததுக்கு அப்பறமும் டிடி அக்கா வீடு சுண்டலை ஒரு பிடி பிடிக்காம தூங்கறதேயில்லையாம்.


சரி அதாவது நம்ம யூனியன் தலைவியும் டாக்டர் டிடி அக்காவுமாகிய சுதா என்ன ரொம்ம்ப விரும்பி அவங்க வீட்டு கொலுவுக்கு வரச் சொல்லி ஒரே அன்புத் தொல்லை போங்க. பின்ன நம்ம தலைவி ஆர்டர் போட்டாச்சுன்னா அத மீற முடுயுமா?மீறீனா என்ன ஆகும்னு கேக்கறீங்களா? அத நம்ம கில்ச்
கிட்ட கேளுங்க. அவரு அழுதுகிட்டே சொல்லுவாரு.


சரின்னு நானும் அழைப்பை ஏத்துகிட்டு ஒரு வழியா வரேன்னு சொன்னேன். நான் சும்மா இல்லாம அவங்களை சிநேகிதியப் படிச்சுட்டு ஒவ்வொருநாளும் என்ன சுண்டல் பண்ணனும், அப்பறமா காலைல என்ன பண்ணனும் னு வெறுப்பேத்திகிட்டு இருந்தேன். உடனே அவங்க என்ன எல்லா புக்கையும் எடுத்துகிட்டு நீ உடனே எங்க வீட்டுக்கு வரலைன்னா நான் என்ன
பண்ணுவேன்னு எனக்கே தெரியாதுனு ஒரே போடு போட்டாங்க.


நானும் சரின்னுட்டு எல்லா புக்கையும் எடுத்து கிட்டு போலாம் னு
முடிவு பண்ணி ஒரு வழியா சொன்னேன். அதாவது போன சனிக்கிழமை
முடிவாச்சு. அவங்க வேற என்ன வியாழக்கிழமையில இருந்து போன் மேல போன போட்டு சாப்பிட என்ன பண்ணறது னு ஒரே குழம்பி என் கிட்ட ஆர்ட்ர் எடுக்க ஆரம்பிச்சுட்டாங்க. நானும் என் பங்குக்கு எனக்கு என்னலாம் பிடிக்குமோ அதையெல்லாம் சொன்னேன்.

இதுல அவங்க சும்மா இல்லாம கூட ஒரு நண்பரையும் கூப்பிட்டாங்க.
அவரை நான் பாத்தது இல்லை, ஆனா சாட்ல மட்டும் பேசியிருக்கேன்.
டிடி அவருகிட்டயும் நான் வரப் போறதா சொன்னாங்க, பாவம் அவரு ரொம்ப பயந்து போயி மொத நாளு அடக்கமா பவ்யமா டிடி கிட்ட அக்கா சுமதி அக்காவும் வராங்களானு கேட்டாரு.டிடியும் ஆமாம் னு சொன்னாங்க, அவரு யோசிக்க ஆரம்பிச்சுட்டாரு, என்னடா நாம சொந்த செலவுல சூனியம் வச்சிக்கரமோன்னு. இருந்தாலும் நாங்க சும்மா இருப்போமா? அவரையும்
வரவழிச்சுட்டோம்ல.

வெள்ளிக் கிழமை காலைலயிருந்து நம்ம டிடிக்கு ஆபீசுல வேலயே
ஓடலைங்க. ஏன்னா, மறு நாள் என்ன டிபன், மத்தியானம் என்ன சாப்பாடு பண்றது, என்ன ஸ்வீட்டு பண்றது னு ஒரே டென்ஷனாப் போச்சுங்க. அவங்க நான் எது சொன்னாலும் அது வேனாம் சுமதி, இது வேனாம் சுமதினு எல்லாத்தையும் விஷேஷ கால தள்ளுபடி மாதிரி தள்ளுபடிட்டாங்க.


சனிக்கிழமை காலைல புளியோதரை, வத்தல், அப்பறம் மத்தியானம்
லன்ச்சுக்கு வெங்காய சாம்பார், உருளை ஃப்ரை, இது நம்ம நண்பரோட ஆர்டர். அதுக்கு அவங்க சனிக்கிழமை நோ வெங்காயம் னு சொல்லிட்டாங்க. அப்பறம் என்கிட்ட கேட்டாங்க, நானும் எனக்கு தெரிஞ்சது பிடிச்சது எல்லாம் ட்ரை பண்ணேன், ஹூம் நோ யூஸ். கடைசியில ஒரு வழியா காலைல புளியோதரை + வத்தல்ஃப்ரை, அப்பறம் மத்தியானம் சாப்பிட முருங்கக்காய் சாம்பார் அப்பறம் ஏதோ கையில கிடைக்கற காய் னு எதோ ஒரு வழியா ஆர்டர முடிச்சுகிட்டாங்க.(நமக்கு இத விட்ட வேற வேலை என்ன இருக்கு)


நானும் காலைல வீட்டுல ஒரு பாதி கப் காபிய குடிச்சுட்டு வயிற காலியா வச்சுகிட்டு தெற்கே போற ரயில பிடிச்சு கே ஆர் புரத்துல இறங்கி ஆட்டோகாரன் கிட்ட கேட்டா அவன் சொன்ன ரேட்ட கேட்டா அதே ரயில்ல மெட்ராஸுக்கே போயிடலாம். அப்பறமா பத்து விட்டு பதினோறாவதா ஒரு ஆளப் பிடிச்சு அவங்க வீட்ட ஒரு 3 சுத்து சுத்தி(வாங்கினகாசுக்கு
வஞ்சனையில்லாம) ஒரு வழியா கொண்டு வந்து சேர்த்தான். நானும் போன உடனே யக்கா பசிக்குது, ஒன்னும் சாப்பிடல, எங்கே புளியோதரை னு கேட்டா அவ்வ்வ்வ்வ்வ்வ், ஐய்ட்டம் கேன்சலுங்கோ...நான் சோகமா ஏன்னு
கேட்டா, ஏதேதோ சொல்றாய்ங்க. அப்பறமாத் தான் புரிஞ்சுது. பக்கத்து வீட்டு அம்பி ஆபுசுக்கு போயிட்டாராம், அவரு தங்கமணியும் வீட்டுக்கு யாரையோ டின்னருக்கு கூப்பிட்டு இருக்காங்களாம். அதனால அம்பிக்கு இல்லாதது மத்தவங்களுக்கும் நோ னு தெரிஞ்சுது. என்ன கொடுமை இது பிகர பாத்து ஏமாந்த ஏஸ்?


அப்பறமா கொஞ்ச நேரம் நம்ம நண்பரோட(காதலி) வருங்கால மனைவியை எநத முறையில கல்யாணம் பண்ணிக்கலாம், டின்னர் எப்படி ஏற்பாடு பண்ணலாம்னுலாம் பெரிய்ய டிஸ்கஷன்.ஆனா நண்பர் சும்மாசொல்லக் கூடாது ம்ம்ம்.. வாயத் தொறக்கலியே....என்னன்னமோ வழியிலயெல்லாம் ட்ரை பண்ணி பாத்தும் ம்ம்ஹீம்ம்ம்.தேறல. சரி ரெம்ம்ம்ப பசிச்சுது. சாப்பிட கூப்டாங்க.


ஆஹானு போயி பார்த்தா மெனு புதினாரைஸ்+ வத்தல், முருங்கைகாய்
சாம்பார், அவரைகாய், உருளை பொறியல், தயிர் சாதம், சேமியா பாயசம்.
ஒரு பிடி பிடிச்சேன். அதுல பாருங்க பாயசம் நல்லாயிருந்தது.ஆனா
சாப்பிடதான் முடியல.புதினா ரைஸும் நல்லாத் தான் இருந்தது.

அப்பறம் கொஞ்ச நேரம் பேசிட்டு இருக்கும் போது தான் திடீருன்னு
டிடிக்கு ஞாபகம் வந்துது புட்டு பண்ணலாம்னு. சரி னுஉடனே
ஆரம்பிசுட்டோம். அப்படி இப்படி னு ஒரு வழியா புட்டு பண்ணி முடிச்சா
நாம பண்ணத நாமளே டேஸ்டு பண்ணலாமா? பெரிய்ய கொடுமை இல்லயா? இதுக்காகவே நம்ம நண்பரை கெஞ்சி புடிச்சு வச்சிருந்தோம் அவரு (பாவம்) டிடிக்கு பயந்துகிட்டே கஷ்டப் பட்டு ஆஹா ரெம்ம்ம்ப நல்லாயிருக்கு னு சொல்லி தப்பிச்சுகிட்டாரு. உட்டாங்களா அவரை, உடனே ஒரு டப்பாவுல போட்டு மீதியையும் தலைல கட்டிடாங்கல்ல.

ஒருவழியா அங்கிருந்து நானும் தப்பிச்சு வந்து சேர்ந்தேன்.மறு நாள்
பாருங்க அவங்களோட அன்பு மழையில நனைஞ்சு போயி எனக்கு
பிடிச்ச ஜலதோஷம் தாங்க ஒரே ஹைலைட். இன்னமும் சரியாகலை.
ஆனாலும் அவிய்ங்க ரெம்ம்ம்ப நல்லவங்க. நல்லாயிருக்கட்டும்.

அவ்ளோதாங்க, தலைவியோட கொலு விருந்து.நல்லாயிருந்ததா?