ஏன்..எதற்கு..?

Hai friends,

நம்மள்ல பல பேருக்கு சில விஷயங்கள் அவ்வளவு
கரெக்டா தெரியாது. அதுல ஒன்னு இந்த "அட்சய த்ரிதியை"
சமீப காலமாவே இந்த நாள் ரொம்ப அமர்க்களமாக
கொண்டாடப் படுகிறது. ஆனா இதுக்கு பின்னனியில்
உள்ள காரணம் மிக மிக சுவாரஸ்யமானது.

புரான காலத்துல ஒரு நாள் கோபத்துக்கு பேர் போன
ஒரு முனிவர் அதாங்க தூர்வாசர் த்ன்னோட சீடர்களுடன்
பஞ்ச பாண்டவர்கள் தங்கியிருந்த காட்டு வழியா வரும்
போது அவர்களை பாக்க நினைத்து ஒரு ஆள் மூலமாக
திரெளபதியிடம் தனக்கும் தன் சீடர்களுக்கும் உணவு
தயாரித்து வைக்க சொன்னார். ஆனால் அந்த நேரத்தில்
திரெளபதி பாண்டவர்கள் அனைவருக்கும் உணவு பரிமாறி
விட்டு அந்த அட்சய பாத்திரத்தை கழுவி வைத்திருந்தாள்.
ஒரு முறை கழுவி விட்டால் மறு நாள் தான் அந்த
பாத்திரத்தில் உணவு திரும்பக் கிடைக்கும். இப்போதும்
அது தான்(கழுவி வைத்து விட்டாள்) நடந்தது. இந்த
சமயத்தில் தான் முனிவரிடம் இருந்து சேதி வந்தது.
முனிவரின் கோவம் தான் மிகப் பிரசித்தமாயிற்றே.
என்ன செய்வது என்று தெரியாமல் தவித்த திரெளபதிக்கு
தீர்வு ஏதும் கிடைக்காத பட்சத்தில் திரெளபதி பகவான்
கிருஷ்ணனை வேண்டினாள்..

உடனே அங்கே வந்த கிருஷ்ண பரமாத்மா திரெளபதி
கழுவி வைத்திருந்த அந்த பாத்திரத்தில் ஓரத்தில்
ஒட்டியிருந்த ஒரு பருக்கையை எடுத்து சாப்பிட்டார்.
உடனே முனிவருக்கும் அவரது சீடர்களுக்கும் வயிறு
நிரம்பி விட்டது. (இது தான் எங்க எல்லாருக்கும்
தெரியுமே னு தானே சொல்றீங்க)
ஆனா உங்களுக்கு தெரியுமா இது எப்போனு?
அதாவது இந்த நிகழ்ச்சி நடந்தது இது போல ஒரு அட்சய
த்ரிதியை தினத்தில் தான்.அதனால் தான் அந்த பாத்திரத்
திற்கே அந்த பெயர் அட்சயப் பாத்திரம் என்று பெயர்
வந்ததாம்.

மேலும் இந்த நாளில் தான் விஷ்ணுவின் ஆறாவது அவதார
மான பரசுராமர் பிறந்தார் என்றும் கூறப் படுகிறது.மேலும்
செல்வத்திற்கு அதிபதியான லக்ஷ்மிதேவியே கூட இந்த
நாளை தேர்ந்தெடுத்து "குபேரனை" வழிபட்டு குபேர
சம்பத்து பெற்றாள் என்னும் கூறப் படுகிறது.

சரி, இதை ஏன் கொண்டாடுகிறோம்?

இந்த திதியில் தான் "திரேதா யுகம்" தோன்றியது என்று இதிகாசங்களும் கூறுகின்றன.இந்த அட்சய த்ரிதியை
திதியில் தொடங்கும் ஒரு யுகம் கோடிக் கணக்கான
ஆண்டுகள் நீடிக்கிறதோ அதுபோலவே இந்த நாளில்
தொடங்கப் படும் எந்த நற்காரியங்களும் யுகம் யுகமா
நீடிக்கும் என்பது ஐதீகம்.


எதையும் வாங்குவது என்ற விஷயத்தில் மட்டும் அல்ல
நம் மனசு சந்தோஷப் படும்படியான எந்த ஒரு நல்ல
காரியங்களையுமே நாம் செய்யலாம்.இதனால் நற்பலன்
தான் கிட்டும்.

இந்த நாளை எப்படி கண்டு பிடிப்பது?

தமிழில் வரும் சித்திரை மாதத்தில் வரும் அமாவசைக்கு
அப்பறம் வரும் த்ரிதியை திதியை தான் இந்த அட்சய
த்ரிதியை நாளாக் கொண்டாடப் படுகிறது.

நண்பர்களே நீங்கள் செய்ய விரும்பும் எந்த ஒரு நல்ல
காரியமானாலும் இந்த நாளில் செய்து பல மடங்கு
நற்பலன்களை பெறுமாறு கேட்டுக் கொள்கிறேன்.