லால்பாக்- நடந்தது என்ன?

பொழுது புலர்ந்தது
அழைத்தவரும் வந்தார்
கைநிறைய ஸ்ரீ கிருஷ்ணாவுடன்.

காண வந்த தோழி கொடுத்ததோ அல்வா
அவருக்காகவே அசல்
நந்தினியால் மணக்க மணக்க
தயாரிக்கப் பட்டது அல்லவா?

தான் பெற்ற இன்பத்தை
பகிர்ந்து கொண்டார் அம்பியுடனும்
தம்பியுடனும் அல்வாவும் சேர்த்தே.

நாட்டு நடப்பு முதல் அவர் தம்
வீட்டு நடப்பு வரை
பலவிதமான பட்டிமன்ற தலைப்புகளில்
விவாதங்களும் விளக்கங்களும்,
பாவம் சாலமன் பாப்பையா இருந்திருந்தால்
நடுவர் பதவியையே துறந்திருப்பார்.

தலைவியின் வீட்டு விருந்து
நடுநடுவில் பலரின் அழைப்பு,
சளைக்காமல் சமாளித்தார்
ஆன்மிகப் பதிவர்.

விருந்து முடிந்தது.
மற்றொரு நண்பர் வந்தார்,
அவருக்கென்ன எங்கு செல்ல விரும்பினாலும்
நண்பர்களும் வாகனங்களுடன்
தயாராக இருக்க வேறென்ன குறை
மற்ற சிஷ்ய கேடிகள் அழைக்க
அடிவாங்க தாயாரானார் கேஆரெஸ்
நாராயணன் கூட இருக்கிறார்
என்ற நம்பிக்கையில்.

மீண்டும் ஒரு கூட்டம்.
அங்கே மீண்டும் இவருக்கு ஒரு சோதனை
மைசூர்பா வடிவாக........
மணக்க மணக்க சூடாக
அவருக்கு சவாலாக.

அங்கே நண்பர்கள் பலர் கூடி
அவரின் மெளனத்தை கலைக்க
முயன்றனர். தோற்றனர்.

பலவிதமான தலைப்புகளில்
விதவிதமான அனுபவங்கள்.
பா(ர்)க்கும் போது மனது இனித்தது

பறவையையும் இயற்க்கையையும்
படம் பிடித்த காட்சி மனதை விட்டு நீஙகுமா
என்கிறது.

இவரின் அன்புத் தொல்லை தாங்காமல்
தமிழையும் தமிழனையும் கூட
அடிக்காமல் விட்டு விட்டனர்
காவேரிக்காரர்கள்.
இது எப்படி....